مزانی ئامای وههاری –شێعرێوه جه ر . مۆرادی
با مریچڵــێ ســەر پـاساری جیك جیك وانۆ پێســـە پاری
با بوڵبوڵــوو گـــوڵستــانــی بە چەهچەهە و شەو بێداری
وانۆ ســـەحەر ج باخی گوڵ
داخ دووریش نـــەبـۆنــە دڵ
با قاسپـــە قاسپـوو ژەرەژا بۆ تێكــەڵــوو چۆڵــی كەشا
با نەچیــر و نەچیـــــرەوان رازەو دڵـــــــی كـــەرا بەیان
واناو كـــــەرا دەســـەملانی
ئینەن وەشی هەورامــــانی
با بەرزەڵنگ و وەركـــــەمـــەر بۆی وەشــــەشا وزانـــێ بەر
با بـــۆژانەو گوڵـــــە چنـــوور هەزبە كۆیلێ وهەراڵەی سوور
نەسیــــم بارۆ بۆ بەرامشــا
شانۆ وپاشۆش سەرو كەشا
با وەرواویـــــــی بــــەیا واری بە قـــــرمــــە قـــرم تافتافـانی
با داڵانـــی و تەختی سانــی پەی پەی چڕا عەوداڵانـــــی
هەرســــەو شادی وارا بە كوڵ
ئانا وەهــــــار ئامــــــا بە دڵ
