بابەتێوسەروو سادیسمی کەلامی تەوهین وگاڵتە بە ئینسانی هۆرامی جەشاروو مەریوانینە
کرێڵوو واتەکا :
سادیسم،ئەنواعووسادیسمی،کۆگاوبەکاربەردەوسادیسمی،جە وێ بێگانەبیەی.
وەڵینە
ئینسانەکا بێ وەرچەم گێرتەی؛ نژاد؛ ئایین؛ ڕەنگ؛مقام زوان؛باوەر پەی کەرامەت پایەگا وحەیسیەتی مەعنەوی وێشا ئێحترامی فرە منیارە وحازرێنێ حەرکارێو کەرا تاوێشا جە تەعەروز وتەخریبوو دیگەرانی پارێزنا وهیج وەخت حازرێ نیەنێ پنەشا بێ ئێحترامی وتەوهین کریۆنە ئی تەوهینە وەختێو پەی فردێو سخڵەتا کە ئەرزشەکاو ژیوای پسەو باوەڕ وعقاید زوان نژاد وبیەیش جەلایانوو نەفەرێو یا تاقمێو گنۆ وەروو هێرشوو تەوهین وبێ ئێحترامیوە.مزانمێ ئیسە فرەو ویرچەمە حقۆقیەکا بهایێوی تایبەتە مذانێ بە ئینسان شناسی حقوقی بەشێوێو کەئینسانی فرەتەر بە نامۆ شناسەو ئینسان بیەی مارا وەرووباسی بێ وەرچەم گێرتەی باوەڕ وکەموو زیاذیش وئایینیش یاجنسیەتیش.ئینەیچ جە فرەبیەی ئیحترام بەکەرامەتوو ئینسانەکا وپارێزنای حقۆق وئاوەڕوو وحەیسیەتوو ئینسانەکا سەرچەمە گێرۆ.جەدنیاو ئارۆینە بەهەزاران ویرچەم یاسا وڕێسێ مەرزیێنێرە تا وەرگیری کەرا جە ئازاردای تەوهین کەردەی وجەبەین بەردۆ مەرگی جەماوەری یاژنوسیدی فرهنگی ؛چی وتارەنە پەیما هەن بڕێو وردەکاریێ جەتەوهین کەرذەی بەهۆرامی زوانەکا جەلایانوو سۆرانی زوانەکاو شاروو مەریوانیوە وزمێ وەرەڕوو.وبەچەموو نەقدی تاتقوو وێچنش کەرمێ دیارکوەکاش وزمێ وەرچەم تا بەڵکوو تاومێ ئا ڕێک وزیایا کە هەرمانێ فەرهەنگیە جەشاروو مەریوانینە کەرانێ تاوانە دلێ سمینار وجەمە کاوێشانە کەراش بابەتوو پەیجورکاریەکاشا وبۆ بەدڵە ورکۆ گرذوو خەڵکوو مەریوانی .
سادیسم:(ئازاردای دیگەرانی)
واتۆ سادیسم جە ئاخروو قەرنەو 18 جە لایانوو نەفەرێوی فەرانسەییوە بەنامۆ مارکی دۆسادی ئی نامێ گیریاینە ئی واتی
( سادیسم) جەئاخروو نامۆ دوسادی گیریاینێ پی شێوە سادیسم بە ماناو ئازار وعەزیەت کەرذەو نەفەرێ جەلایانوو نەفەرێوی تەریوە بەشێوێو کەئاکەسە کە ئازاردەرا بەکارەکەیش علاقەش بۆ یاپەی یاوای بە سوکنایی ڕۆحیی ومنافعوو وێش بەکارش بەرۆ؛سادیسم متاوۆ جەسەیی؛ پسەو شکنجەی زەجردای کوتەک کاری. و یامتاوۆ ڕۆحی؛پسەو تەوهین کەردەی و ورذکەرذەی نەفەرێو چەنی بەکاربەرذەی واتەهایێوی ئەهانەت ئاوەرێ.